| Die Brandaan siklus (3) "Lintwurm" deur D.J. OPPERMAN [boodskap #50036] |
Do, 13 September 2001 12:08 |
|
|
Oorspronklik gepos deur: @home.com
Uit Die Brandaan-siklus
D.J. Opperman
Lintwurm
Op die solder van die nag lig ek 'n luik
en sien grys ónder Leviatan rol
en rits met myle-myle lint die buik
en ingewande van die aarde vol.
Sy beitelkop was êrens weggesteek
waar see en varings van 'n oertyd staan
en met laagwaters was sy suiers bleek
hol kraterkringe van 'n somermaan.
Ek het langs wenteltrappe van die plek
gesak, maar toe met elke tree en drang
voel ek dat spiere aan my spiere trek -
ek is 'n lit in daardie lyf gevang.
Dit sterf stuk-stuk van hom: mens, vis en gras,
maar ewig groei en klou hy - aardevas.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
